Իտալիայի առաջնության 26-րդ տուրում Միլանի «Ինտերը», որի կազմում ելույթ է ունենում Հայաստանի ազգային հավաքականի նախկին ավագ Հենրիխ Մխիթարյանը, արտագնա խաղում 1-2 հաշվով պարտվեց «Սպեցիային»:
Հեղինակավոր WhoScored վիճակագրական ռեսուրսը ներկայացրել է խաղին մասնակցած ֆուտբոլիստների գնահատականները:
34-ամյա հայ կիսապաշտպանի խաղը գնահատվել է 6,1 միավոր (10 հնարավորից): Հենրիխ Մխիթարյանը խաղադաշտ էր դուրս եկել «Ինտերի» մեկնարկային կազմում և փոխարինվել 66-րդ րոպեին:
Հանդիպման լավագույն խաղացող է ճանաչվել տանտերերի լեհ դարպասապահ Բարտլոմեյ Դրագովսկին (8,1 միավոր):
Ընթացիկ մրցաշրջանում հայ կիսապաշտպանը միլանյան գրանդի կազմում անցկացրած 33 պաշտոնական խաղում խփել է չորս գոլ ու կատարել մեկ ասիստ:
