Միլանի «Ինտերի» կիսապաշտպան, Հայաստանի ազգային հավաքականի նախկին ավագ Հենրիխ Մխիթարյանը խոսել է իր ակումբակից, սլովակ պաշտպան Միլան Շկրինիարի մասին, որը ընթացիկ մրցաշրջանի ավարտից հետո կտեղափոխվի ֆրանսիական ՊՍԺ:
«Տխուր եմ, որ Շկրինիարը հեռանալու է, բայց պետք է ընդունեմ նրա ընտրությունը։ Մենք խոսում ենք նրա կարիերայի մասին, և միայն նա է պատասխանատու իր ընտրության համար։ Շնորհակալ եմ Միլանին վեց ամիս ինձ հետ խաղալու համար: Եվս 5-ը կանցկացնենք միասին»,- 34-ամյա Մխիթարյանի խոսքը մեջբերում է Football Italia-ն:
Հիշեցնենք, որ հայ կիսապաշտպանն ընթացիկ մրցաշրջանում մասնակցել է 28 պաշտոնական խաղի, խփել 2 գոլ ու կատարել 1 գոլային փոխանցում:
Հենրիխ Մխիթարյանը միլանյան գրանդի գույները պաշտպանում է 2022 թվականի հուլիսից:
