«Ինտերի» կիսապաշտպան Հենրիխ Մխիթարյանը «Բավարիայի» դեմ հանդիպմանը նախորդած ասուլիսին կարծիք է հայտնել մյունխենցիների եզրային հարձակվող Մայքլ Օլիսեի մասին:
«Նա շատ ուժեղ ֆուտբոլիստ է: Օլիսեն տպավորեց առաջին մրցավեճում: Ես նրա խաղին հետևել եմ, երբ դեռ «Քրիստալ Փելասում» էր:
Մայքլն արագ է և ֆանտաստիկ ֆուտբոլ է խաղում: Չպետք է նրան թույլ տանք՝ նույնքան լավ խաղա, որքան Մյունխենում»,- ասել է Հայաստանի հավաքականի պատմության գլխավոր ռմբարկուն:
Չեմպիոնների լիգայի քառորդ եզրափակիչի «Ինտեր» – «Բավարիա» հանդիպումը կկայանա ապրիլի 16-ին:
