Հայաստանի ազգային հավաքականի նախկին ավագ Հենրիխ Մխիթարյանը սոցցանցերում հրապարակում է կատարել` շնորհավորելով բոլորի Ամանորը: Իտալիայի չեմպիոն «Ինտերի» 35-ամյա կիսապաշտպանն ամանորյա ուղերձում շեշտը դրել է Հայաստանի, հայ ժողովրդի և Բաքվում ապօրինի պահվող հայ գերիների վրա:
«Թող Նոր տարին բերի ձեզ անսահման ուրախություն և հաջողություն, ձեր բոլոր նպատակների իրագործում և քաջառողջություն: Մաղթում եմ ձեզ և ձեր ընտանիքներին հիշարժան 2025 թվական:
Իմ հայրենակիցներին, մեր հայրենիքին մաղթում եմ խաղաղության և նորոգության տարի։ Հուսով եմ, որ այս տարի մենք ականատես կլինենք հարևան երկրի բանտերում ապօրինի պահվող մեր բոլոր հայ բանտարկյալների ազատ արձակմանը և նրանց հայրենիք վերադառնալուն։
Մաղթում եմ մեզ համերաշխություն և միասնություն։ Թող մեր ազգային հերոսների հոգիները պահպանեն մեր սուրբ հողերը։
Թող ձեր բոլոր երազանքներն իրականանան:
Շնորհավոր 2025 թվական»:
