Որոշվել է մինչև 19 տարեկան ֆուտբոլիստների Եվրոպայի 2022 թվականի առաջնության էլիտ ռաունդում Հայաստանի հավաքականի հանդիպումների ժամանակացույցը։

ՀՖՖ մամուլի ծառայության հաղորդմամբ՝ ընտրական մրցաշարի այդ փուլի 3-րդ խմբի ստուգատեսն անցկացվելու է Անգլիայում։ Հայաստանի հավաքականի մասնակցությամբ մրցամարտերը նախատեսված են հետևյալ ժամանակացույցով.

Մարտի 23, Ս․ Ջորջ Պարկ, Բարթոն-ափոն-Թրենթ. Պորտուգալիա-Հայաստան 

Մարտի 26, Նյու Յորք մարզադաշտ, Ռոթերհեմ. Անգլիա-Հայաստան 

Մարտի 29, Ս․ Ջորջ Պարկ, Բարթոն-ափոն-Թրենթ. Հայաստան-Իռլանդիա։

Էլիտ ռաունդին մասնակցում է 28 թիմ, որոնք կազմել են 4-ական մասնակցից բաղկացած 7 խումբ։ Խմբերի հաղթողներն անցնելու են եզրափակիչ փուլ, որտեղ ընկերակցելու են մրցաշարն ընդունող Սլովակիայի հավաքականին։ ԵՎՐՈ 2022-ի եզրափակիչ փուլը, որն իր հերթին լինելու է 2023 թվականին Ինդոնեզիայում կայանալիք մինչև 20 տարեկանների աշխարհի առաջնության ընտրական մրցաշարը, անցկացվելու է հունիսի 18-ից հուլիսի 1-ը։