Մադրիդի «Ռեալի» բրազիլացի պաշտպան Էդեր Միլիտաոն ստացել է Իսպանիայի քաղաքացիություն, հայտնում է Marca-ն:
24-ամյա պաշտպանը մադրիդյան ակումբում խաղում է 2019 թվականից, որտեղ տեղափոխվել է պորտուգալական «Պորտուից»:
Ավելի վաղ Իսպանիայի քաղաքացիություն էին ստացել Վինիսիուս Ժունիորն ու Ռոդրիգոն: Այսպիսով, «Ռեալի» կազմում այլևս չկան Եվրամիության կազմից դուրս գտնվող երկրները ներկայացնող լեգեոներներ:
Լա լիգայի կանոնակարգի համաձայն՝ ակումբները Եվրամիության ոչ անդամ երկրներից կարող են դուրս բերել մեկնարկային կազմ 5-ական ֆուտբոլիստ, սակայն խաղին կարող են հայտավորվել նման երեքից ոչ ավելի ֆուտբոլիստ:
Ընթացիկ մրցաշրջանում Միլիտաոն «Ռեալի» կազմում մասնակցել է 13 խաղի, խփել 1 գոլ:
