Հյուսիսային Մակեդոնիայի հավաքականի գլխավոր մարզիչ Բլագոյա Միլևսկին մեկնաբանել է Ազգերի լիգայի վիճակահանությունը, որի արդյունքում բալկանյան թիմը մրցելու է Հայաստանի, Լատվիայի և Ֆարերյան կղզիների հավաքականների հետ:
«Եթե նախորդ տարիներին մենք հայտնվում էինք խմբերում, որտեղ չէիք ուզում խաղալ, ապա այս անգամ այդպես չէ: Մեր խմբի բոլոր թիմերի դեմ նախկինում հանդիպել ենք: Պետք է ճիշտ մոտեցմամբ պատրաստվենք խաղերին:
Նախորդ անգամ Հայաստանում խաղալիս հաղթել ենք 5:0 հաշվով, բայց չպետք է մոռանանք, որ դրանից առաջ էլ պարտվել ենք` 0:4: Լատվիան և Ֆարերյան կղզիներն էլ իրենց սպասելիքներն ունեն առաջիկա հանդիպումներից:
Յուրաքանչյուր մրցակից իր մոտեցումն ունի, բայց մենք չենք խուսափելու պատասխանատվությունից: Մեր նպատակը խմբում առաջին տեղը գրավելն է»,- մարզչի խոսքը մեջբերում է ekipa.mk-ն:
Հիշեցնենք, որ Ազգերի լիգայի խմբային փուլը կմեկնարկի սեպտեմբերին և կավարտվի նոյեմբերին:
