Իտալական «Միլանը» վարձակալել է Մադրիդի «Ռեալի» երիտասարդական թիմի իսպանացի պաշտպան Ալեխանդրո Խիմենես Սանչեսին, հաղորդում է ակումբի մամուլի ծառայությունը:
18-ամյա Խիմենեսը կխաղա «Միլանի» երիտասարդական թիմում: Վարձակալության ժամկետի ավարտից հետո իտալական ակումբը կկարողանա ձեռք բերել նրա տրանսֆերը, սակայն «Ռեալը» պահպանում է մերժման առաջնային իրավունքը:
2022/23 մրցաշրջանում Խիմենեսը «Ռեալ Կաստիլյայի» կազմում մասնակցել է 7 հանդիպման, դարձել 2 գոլային փոխանցման հեղինակ: Նա երիտասարդական Չեմպիոնների լիգայում անցկացրել է 6 խաղ:
