Իտալական «Միլանը» բաժնետերերի ժողովի ընթացքում ներկայացրել է 2022/23 մրցաշրջանի ֆինանսական հաշվետվությունը:
2006 թվականից հետո առաջին անգամ «Ռոսոներին» ֆինանսական տարին ավարտել է շահույթով և գրանցել ռեկորդային եկամուտ՝ 404,5 միլիոն եվրո:
Պատմության մեջ առաջին անգամ ակումբի եկամուտը գերազանցել է 400 միլիոն եվրոն և 107 միլիոն եվրոյով գերազանցել է նախորդ մրցաշրջանի արդյունքը:
Նման ցուցանիշի հաջողվել է հասնել հովանավորչական նոր պայմանագրերի, հեռուստատեսային իրավունքների և աբոնեմենտների վաճառքի շնորհիվ:
Հիշեցնենք, որ «Միլանը» Իտալիայի Ա Սերիայում 9 խաղից հետո վաստակել է 21 միավոր և ընթանում է երկրորդ տեղում:
