Իտալիայի չեմպիոն «Միլանը» նոր պայմանագիր է կնքել ֆրանսիացի հարձակվող Օլիվյե Ժիրուի հետ, հայտնում է ակումբի պաշտոնական կայքը:

Ֆրանսիայի հավաքականի պատմության լավագույն ռմբարկուի պայմանագիրը նախատեսված է մինչև 2024 թվականի հունիսի 30-ը:

Հիշեցնենք, որ 36-ամյա հարձակվողը 2021 թվականի հուլիսից է պաշտպանում իտալական ակումբի մարզական պատիվը: Ընթացիկ մրցաշրջանում Ժիրուն «Միլանի» կազմում անցկացրած 38 խաղում դարձել է 13 գոլի և 6 գոլային փոխանցման հեղինակ: