Իտալիայի Սուպերգավաթի խաղարկության եզրափակիչում «Միլանը» 3:2 հաշվով հաղթեց «Ինտերին»:
Այդ հանդիպումը երկրորդն էր «Ռոսոներիի» գլխավոր մարզիչ Սերժիու Կոնսեյշաուի համար միլանյան գրանդի ղեկին: Նա դարձավ ակումբի պատմության մեջ ամենակարճ ժամանակում տիտղոս նվաճած մասնագետը, գրում է sempremilan.com-ը:
Խաղի ընթացքում պորտուգալացու գլխավորած թիմը զիջում էր 0:2 հաշվով: Ուշագրավ է, որ Սուպերգավաթի խաղարկության կիսաեզրափակիչում նույնպես «Միլանը» կամային հաղթանակով էր տարել «Յուվենտուսի» (2:1) դեմ խաղում:
