«Միլանի» պաշտպան Տեո Էրնանդեսը երկարաձգել է իտալական ակումբի հետ գործող պայմանագրի ժամկետը՝ հաղորդում է La Gazetta dello Sport-ը։

Ըստ աղբյուրի՝ 24-ամյա ֆուտբոլիստի կնքած նոր պայմանագիրը «Միլանի» հետ նախատեսված է մինչև 2026 թվականի հունիսը։ Նոր պայմանագրի կնքման մասին պաշտոնապես կհայտարարվի առաջիկա օրերին։

Էրնանդեսը «Միլան» է տեղափոխվել «Ռեալից» 2019 թվականի հունիսին 21,5 մլն եվրոյի դիմաց։ Ընթացիկ մրցաշրջանում պաշտպանը մասնակցել է Ա Սերիայի 19 հանդիպման՝ դառնալով 4 գոլի ու 5 գոլային փոխանցման հեղինակ։