Հայաստանի սամբիստները 6 մեդալ նվաճեցին Կիպրոսի Լիմասոլ քաղաքում ավարտված Եվրոպայի երիտասարդական առաջնությունում:
Մինչև 71 կգ քաշային կարգում ոսկե մեդալ նվաճեց Մհեր Օհանյանը, որը եզրափակիչում վաղաժամ հաղթանակի հասավ Վրաստանի ներկայացուցիչ Միխայիլ Գափրինդաշվիլիի դեմ պայքարում:
Օհանյանը մինչև եզրափակիչ հասնելը հաղթել է Ռուսաստանի, Հունաստանի և Մոլդովայի ներկայացուցիչների:
Արծաթե մեդալակիր դարձան Արշակ Բեխչյանը (64 կգ) և Սեյրան Սարուխանյանը (88 կգ), բրոնզի արժանացան Սամվել Ղազարյանը (79 կգ), Էրիկ Սաղաթելյանը (98 կգ), Արսեն Հայրապետյանը (+98 կգ):
