Աշխարհի նորընծա չեմպիոն ֆուտբոլի Արգենտինայի հավաքականի ավագ Լիոնել Մեսին հավակնում է 2022թ. լավագույն մարզիկի կոչմանը՝ ESPN-ի վարկածով:
Ամերիկյան պարբերականի կողմից տրվող ESPY Award ամենամյա մրցանակի համար պայքարում են նաև ամերիկյան ֆուտբոլի «Կանզաս-Սիթի Չիֆս» թիմի խաղացող Պատրիկ Մահոումսը, NBA-ի նորընծա չեմպիոն «Դենվեր Նագետսի» սերբ բասկետբոլիստ Նիկոլա Յոկիչը, բեյսբոլիստ Աարոն Ջաջը:
Հիշեցնենք, որ նախորդ տարի մրցանակը ստացել էր «Գոլդեն Սթեյթի» բասկետբոլիստ Ստեֆեն Կարին:
Օրեր առաջ ֆրանսիական ՊՍԺ-ից հեռացած Լիոնել Մեսին պայմանագիր է կնքել ամերիկյան «Ինտեր Մայամիի» հետ, որի համասեփականատերն է անգլիացի լեգենդար ֆուտբոլիստ Դևիդ Բեքհեմը:
