ՊՍԺ-ի հարձակվող Լիոնել Մեսին բանակցություններ է վարում «Ինտեր Մայամիի» հետ: Այդ մասին հաղորդում է Mirror-ը:
Ըստ այդ պարբերականի՝ ամերիկյան ակումբի սեփականատեր Դևիդ Բեքհեմը ցանկանում է, որ արգենտինացին նախքան մարզական կարիերայի ավարտը խաղա իր թիմում: Նշվում է, որ Անգլիայի հավաքականի նախկին ֆուտբոլիստն արդեն բանակցություններ է անցկացրել Լիոնելի հետ: Անձամբ «Ոսկե գնդակի» վեցակի դափնեկիրը վերջերս մի քանի բնակարան է գնել Մայամիում:
Մեսին «Բարսելոնայի» գլխավոր թիմում ելույթ է ունեցել 2005 թվականից: Նրա պայմանագրի ժամկետն ակումբի հետ լրացել էր հունիսի 30-ին: Կատալոնացիներն օգոստոսի 5-ին հայտարարել էին, որ Մեսիի հետ համաձայնագրի ժամկետը չի երկարաձգվելու: Արգենտինայի հավաքականի ավագն օգոստոսի 10-ին դարձել էր ՊՍԺ-ի խաղացող՝ ակումբի հետ ստորագրելով 2 տարվա պայմանագիր՝ այն ևս մեկ մրցաշրջանով երկարաձգելու հնարավորությամբ: Մեսին առայժմ նորամուտը չի նշել ֆրանսիական թիմում:
Ինչու «Բարսելոնան» չի կարող շրջանառությունից հանել Մեսիի՝ «10» համարի մարզաշապիկը
