«Ինտեր Մայամիի» արգենտինացի հարձակվող Լիոնել Մեսին չի մասնակցել իր կնոջ՝ Անտոնելա Ռոկուցոյի քրոջ՝ Կառլա Ռոկուցոյի հարսանեկան արարողությանը, հաղորդում է Marca-ն։
Միջոցառումը տեղի է ունեցել Ռոսարիոյում։ Չնայած արարողության անցկացումը գաղտնի էր, այնուամենայնիվ քաղաքի եկեղեցում անցկացված անվտանգության լայնածավալ գործողությունները գրավել են հարևանների ուշադրությունը: Նրանք էլ սկսել են հավաքվել եկեղեցու ցանկապատերի շուրջ։ Երբ ներկաները հասկացել են, որ հնարավոր է՝ Մեսին ներկա լինի արարողությանը, մարդկանց թիվը սկսել է շատանալ:
Այդ պատճառով Մեսին որոշել է չմասնակցել արարողությանը՝ անվտանգության նկատառումներից ելնելով։ Սակայն ավելի ուշ նա ժամանել է հարսանեկան երեկույթին։
