«Ոսկե գնդակի» յոթակի դափնեկիր Լիոնել Մեսիի ավագ որդին մարզվելու է ամերիկյան «Ինտեր Մայամիի» ակադեմիայում, հայտնում է The Athletic-ը:
10-ամյա Տիագո Մեսին ընդգրկվել է MLS-ը ներկայացնող ակումբի մինչև 12 տարեկանների թիմում:
Հիշեցնենք, որ ժամանակին «Ինտեր Մայամիի» ակադեմիայում էին մարզվում ակումբի համասեփականատեր Դևիդ Բեքհեմի և նախկին գլխավոր մարզիչ Ֆիլ Նևիլի որդիները:
Աշխարհի չեմպիոն Արգենտինայի հավաքականի հարձակվող Լիոնել Մեսին այս ամռանն էր ազատ գործակալի կարգավիճակում հեռացել ֆրանսիական ՊՍԺ-ից ու միացել «Ինտեր Մայամիին»։ Ամերիկյան ակումբի կազմում անցկացրած 9 խաղում 36-ամյա ֆուտբոլիստը դարձել է 11 գոլի և 3 գոլային փոխանցման հեղինակ:
