Ֆրանսիայի գործող չեմպիոն ՊՍԺ-ի ֆրանսիացի գլխավոր մարզիչ Քրիստոֆ Գալտյեն նշել է արգենտինացի հարձակվող Լիոնել Մեսիի շարք վերադառնալու հավանական ժամկետը:
Հիշեցնենք, որ «Ոսկե գնդակի» 7-ակի դափնեկիրը չի ընդգրկվել Լիսաբոնի «Բենֆիկայի» դեմ Չեմպիոնների լիգայի խմբային փուլի չորրորդ տուրի հանդիպման հայտացուցակում:
««Բենֆիկայի» դեմ նախորդ խաղի ժամանակ Մեսին անհարմարություն զգաց, այդ պատճառով էլ փոխարինվեց: Սպասվում է, որ նա շարք կվերադառնա «Մարսելի» դեմ խաղից առաջ»,- Գալտյեի խոսքը փոխանցում է ակումբի մամուլի ծառայությունը:
35-ամյա Մեսին ընթացիկ մրցաշրջանում փարիզյան ակումբի կազմում անցկացրած 13 խաղում դարձել է 8 գոլի ու նույնքան գոլային փոխանցման հեղինակ:
ՊՍԺ - «Բենֆիկա» խաղը կկայանա հոկտեմբերի 11-ին, ՊՍԺ - «Մարսել» հանդիպումը՝ հոկտեմբերի 16-ին:
