Մեքսիկայի հավաքականը պատմության մեջ առաջին անգամ նվաճել է ԿՈՆԿԱԿԱՖ-ի գոտու Ազգերի լիգայի տիտղոսը։

Մեքսիկայի թիմը մրցաշարի եզրափակիչում անգլիական «Ֆուլհեմի» հարձակվող Ռաուլ Խիմենեսի դուբլի շնորհիվ 2-1 հաշվով հաղթել է Պանամայի հավաքականին։ Վերջինը հաղթական գնդակը մրցակցի դարպասն ուղարկել է ավելացրած երկրորդ րոպեին։

Խիմենեսը դուբլ էր գրանցել նաև Կանադայի դեմ կիսաեզրափակիչի խաղում և օգնել Խավիեր Ագիրեի գլխավորած հավաքականին հաղթել 2-0 հաշվով։

Մրցաշարի երրորդ տեղը զբաղեցրել է Կանադայի թիմը, որը 2-1 հաշվով հաղթել է ԱՄՆ-ի հավաքականին ու դարձել բրոնզե մեդալակիր։

ԿՈՆԿԱԿԱՖ-ի Ազգերի լիգա, եզրափակիչ

Մեքսիկա - Պանամա` 2-1

Ռաուլ Խիմենես, 8, 90+2 (11մ) - Ադալբեռտո Կառասկիլյա, 45+2 (11մ)

Երրորդ տեղի հանդիպում

Կանադա - ԱՄՆ` 2-1

Թանի Օլուվասեյի, 27, Ջոնաթան Դևիդ, 59 - Պատրիկ Ագյեմանգ, 35