Մեքսիկացի մրցավար Մարկո Անտոնիո Օրտիս Նավան Լիոնել Մեսիից ինքնագիր խնդրելու համար 6 ամիս չի կարող սպասարկել ԿՈՆԿԱԿԱՖ-ի մրցաշարերի խաղեր, հաղորդում է ESPN-ը:
Նավան ամերիկյան «Ինտեր Մայամիի» լեգենդար արգենտինացի հարձակվողից ինքնագիր է խնդրել ԿՈՆԿԱԿԱՖ-ի Չեմպիոնների գավաթի` «Կանզաս Սիթիի» դեմ խաղից հետո (1-0):
ԿՈՆԿԱԿԱՖ-ի Կարգապահական կոմիտեն նշել է, որ մրցավարի պահվածքը խախտում է իրենց կանոնակարգը: Մրցավարը ներողություն է խնդրել իր արարքի համար:
Ի դեպ, նա կարող է խաղեր սպասարկել Մեքսիկայի առաջնությունում:
