Հայաստանի և Վրաստանի ֆուտբոլի ֆեդերացիաները ներկայացրել են 2029 թվականի աշխարհի երիտասարդական առաջնությունը երկու երկրներում անցկացնելու համատեղ հայտ: Այդ մասին հունիսի 5-ին Երևանում կայացած ասուլիսում հայտարարել են Հայաստանի և Վրաստանի ֆուտբոլի ֆեդերացիաների նախագահներ Արմեն Մելիքբեկյանը և Լևան Կոբիաշվիլին։
«Հաշվի առնելով Հայաստանի ֆուտբոլի ֆեդերացիայի և Վրաստանի ֆուտբոլի ֆեդերացիայի բարիդրացիական հարաբերությունները և փայլուն փոխգործակցությունը տարբեր ոլորտներում, որոշել ենք դիմել ՖԻՖԱ 2029 թվականի աշխարհի երիտասարդական առաջնությունը համատեղ անցկացնելու համար:
ՈւԵՖԱ-ն արդեն հաստատել է, որ աջակցելու է մեր համատեղ հայտին»,- նշել է ՀՖՖ նախագահ Արմեն Մելիքբեկյանը։
Հիշեցնենք, որ աշխարհի երիտասարդական առաջնությունն անցկացվում է մինչև 20 տարեկան հավաքականների միջև:
Ֆոտո՝ ՀՖՖ
