«Մեծ սաղավարտի» մրցաշարերի 22-ակի չեմպիոն Ռաֆայել Նադալը կմասնակցի ATP 250 շարքի Բրիսբենի մրցաշարին:
Աշխարհի նախկին առաջին ռակետը վնասվածք էր ստացել 2023 թվականի Ավստրալիայի բաց առաջնության ժամանակ և բաց էր թողել մրցաշրջանի մնացած հատվածը:
«Մեկ տարի առանց թենիսի, ժամանակն է վերադառնալ, կհանդիպենք Բրիսբենում», - սոցիալական ցանցերի իր էջերում գրել է իսպանացի թենիսիստը:
Ավելի վաղ Նադալը հայտարարել էր, որ նախատեսում է կարիերան ավարտել 2024 թվականին:
Բրիսբենի մրցաշարը կկայանա դեկտեմբերի 31-ից հունվարի 7-ն ընկած ժամանակահատվածում:
