«Մբապեն ամեն շաբաթ ասում է, որ ցանկանում է հեռանալ ՊՍԺ-ից»,- Sky Sports-ի հետ զրույցում խոստովանել է ֆրանսիացի հարձակվողի ընկերներից մեկը, որը չի ցանկացել ներկայանալ:
«Մբապեն ամեն շաբաթ ասում է, որ ցանկանում է հեռանալ ՊՍԺ-ից։ Ի՞նչ է լինելու վերջում։ Ակումբն ու Մբապեն հավանաբար կհաշտվեն։ Բայց ես կարծում եմ, որ հեռանալու մասին խոսակցությունները նորից ու նորից կառաջանան»,- ասել է Մբապեի ընկերը։
Ավելի վաղ հաղորդվում էր, որ 23-ամյա գոլահարը դժգոհ է փարիզյան ակումբի ղեկավարությունից: Տեղեկություն կար նաև այն մասին, որ ՊՍԺ-ն պատրաստ է 400 միլիոն եվրոյով վաճառել Մբապեի տրանսֆերային իրավունքը:
Հիշեցնենք, որ ֆրանսիացի հարձակվողը 2018 թվականի ամռանը «Մոնակոյից» 180 միլիոն եվրոյով էր տեղափոխվել ՊՍԺ, որի կազմում ընթացիկ մրցաշրջանում բոլոր մրցաշարերում անցկացրած 13 խաղերում դարձել է 12 գոլի հեղինակ:
