Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն երկրորդ անգամ անընդմեջ չի հայտնվել ազգային թիմի հայտացուցակում, հայտնում է Le Parisien-ը:
Եռագույնների գլխավոր մարզիչ Դիդյե Դեշամը 25-ամյա ֆուտբոլիստին չի հրավիրել Իսրայելի և Իտալիայի դեմ Ազգերի լիգայի խաղարկության եզրափակիչ տուրերի խաղերին:
Նման որոշման պատճառներն առայժմ անհայտ են:
Հիշեցնենք, որ նախորդ անգամ հենց Մբապեն էր խնդրել չհրավիրել իրեն և պատճառաբանել էր, որ վնասվածք ունի, սակայն միջազգային դադարից առաջ կայացած վերջին խաղում հայտավորված էր եղել մադրիդյան գրանդի կազմում:
