Փարիզի ՊՍԺ-ի ֆրանսիացի հարձակվող Կիլիան Մբապեի հարաբերությունները վատթարացել են ոչ միայն ակումբի ղեկավարության, այլև թիմակիցների հետ, հայտնում է L'Équipe-ը:
ՊՍԺ-ի որոշ խաղացողներ դժգոհ են Մբապեի պահվածքից և կարգավիճակից, որը նա ունի պայմանագրի երկարաձգումից հետո:
23-ամյա ֆուտբոլիստը երբեմն կարող է մարզումներն անցկացնել ժպիտով ու կատակներ անելով, իսկ երբեմն անգամ չշփվել ակումբակիցների հետ:
Մբապեին թիմում չեն աջակցում Աշրաֆ Հակիմին, Յուգո Էկիտիկեն, Նորդի Մուկիելեն և Պրեսնել Կիմպեմբեն: Միաժամանակ, թիմի ֆրանսիացի գլխավոր մարզիչ Քրիստոֆ Գալտյեն աջակցում է նրան:
Հաղորդվում է նաև, որ թիմում իսպանախոս շատ ֆուտբոլիստներ ու ավագ Մարկինյոսը համախմբված են Լիոնել Մեսիի և Նեյմարի շուրջը:
Ավելի վաղ հաղորդվում էր, որ Մբապեն ցանկանում է հեռանալ ՊՍԺ-ից, իսկ ֆրանսիական գրանդը պատրաստ է 400 միլիոն եվրոյով վաճառել ֆրանսիացու տրանսֆերային իրավունքը:
Հիշեցնենք, որ Մբապեն ՊՍԺ-ի գույները պաշտպանում է 2017 թվականի օգոստոսից: Ընթացիկ մրցաշրջանում նա ՊՍԺ-ի կազմում բոլոր մրցաշարերում մասնակցել է 13 հանդիպման, խփել 12 գոլ:
