Փարիզի ՊՍԺ-ի հարձակվող Կիլիան Մբապեն դժգոհ է մնացել «Մարսելի» դեմ ֆրանսիական Լիգա 1-ի 27-րդ տուրի խաղում 64-րդ րոպեին փոխարինվելուց հետո։
Հանդիպումից հետո 25-ամյա ֆրանսիացի ֆուտբոլիստը սոցցանցերում հրապարակել է առանց վերնագրի լուսանկար, որտեղ խաղադաշտից հեռանում է գլուխը կախ՝ ավագի թևկապը ձեռքին:
Հիշեցնենք` ինսայդեր Ֆաբրիցիո Ռոմանոն ավելի վաղ հայտնել է, որ Մբապեն որոշել է 2023/24 մրցաշրջանի ավարտին ազատ գործակալի կարգավիճակում հեռանալ «Պարի Սեն-Ժերմենից»։ Ամենայն հավանականությամբ, Ֆրանսիայի հավաքականի ավագը կարիերան կշարունակի Մադրիդի «Ռեալի» կազմում։
