Ֆրանսիայի չեմպիոն ՊՍԺ-ի հարձակվող Կիլիան Մբապեն խոսել է ֆուտբոլում ռասիզմի մասին:
«Մենք պետք է ավելի լավ պայքարենք ռասիզմի դեմ: Արդեն սկսել ենք գործընթացը, բայց պետք է ավելին անենք և այս խնդիրը քննարկենք իշխանությունների հետ:
Վինիսիուսը տուժեց, բայց նա միակը չէ: Նման պահվածքն արդարացում չունի»,- ֆրանսիացի ֆուտբոլիստի խոսքը մեջբերում է Goal.com-ը:
Հիշեցնենք, որ 2022/23 մրցաշրջանում «Վալենսիայի» երկրպագուները ռասիստական արտահայտություններ էին հնչեցրել Մադրիդի «Ռեալի» բրազիլացի հարձակվող Վինիսիուս Ժունիորի հասցեին:
«Վալենսիան» տուգանվել էր 45 հազար եվրոյով, իսկ ստադիոնի տրիբունաներից մեկը 5 խաղով փակվել էր: Հետագայում պատիժը կրճատվել էր երկու խաղով, իսկ տուգանքը կազմել էր 27 հազար եվրո:
