Մադրիդի «Ռեալի» ֆրանսիացի հարձակվող Կիլիան Մբապեն անգլիական «Մանչեսթեր Սիթիի» դեմ Չեմպիոնների լիգայի 1/16 եզրափակիչի պատասխան խաղից հետո խոսել է նաև իր լեգենդար հայրենակցի` Զինեդին Զիդանի մասին, հաղորդում է ակումբի մամուլի ծառայությունը:
«Նա ինձ համար կուռք է, հատկապես լինելով ֆրանսիացի և «Ռեալի» երկրպագու։ Եթե նա ժպտում է իմ խաղին, ես աշխարհի ամենաերջանիկ տղան եմ»,- ասել է Մբապեն:
Ֆրանսիայի հավաքականի ավագի հեթ-տրիկի շնորհիվ Իսպանիայի չեմպիոնը 1/16 եզրափակիչի պատասխան խաղում տանը 3-1 հաշվով հաղթել է անգլիական «Մանչեսթեր Սիթիին»: Կառլո Անչելոտիի թիմը դիմակայությունում հաղթել է 6-3 հաշվով և դուրս եկել 1/8 եզրափակիչ:
Մբապեն ճանաչվել է ՈՒԵՖԱ-ի Չեմպիոնների լիգայի լավագույն ֆուտբոլիստ:
