Լոս Անջելեսի Staples Center արենայում բռնցքամարտի շոու է կայացել:
Երեկոյի գլխավոր իրադարձությունը ծանրքաշային կարգում աշխարհի նախկին բացարձակ չեմպիոն Մայք Թայսոնի և 5 քաշային կարգերում աշխարհի նախկին չեմպիոն Ռոյ Ջոնս-կրտսերի մենամարտն էր: Այն անցկացվել է 2-ական րոպեից բաղկացած 8 ռաունդով: Գրանցվել է ոչ-ոքի:
Մենամարտի մրցավարները եղել են աշխարհի նախկին չեմպիոններ Չեդ Դոուսոնը, Վինի Պացիենցան ու Քրիստի Մարտինը: Ըստ վերջինիս՝ եղել է ոչ-ոքի՝ 76-76, Դոուսոնը հաղթանակը շնորհել է Թայսոնին՝ 79-73, իսկ Պացիենցան՝ Ջոնսին՝ 80-76:
Թայսոնը վերսկսել էր կարիերան ելույթներն ավարտելուց 15 տարի անց: Նա մենամարտի արդյունքում ստանալու է 10, Ջոնս-կրտսերը՝ 1 միլիոն դոլար: Գումարը փոխանցվելու է բարեգործական միջոցառումների:
54-ամյա Մայքը մինչ այս անցկացրել էր 58 մենամարտ, տոնել 50 հաղթանակ և կրել 8 պարտություն, իսկ Ջոնսը, որը 2018 թվականից ի վեր առաջին անգամ էր հայտնվել ռինգում, 75 մենամարտում գրանցել էր 66 հաղթանակ, 9 անգամ զիջել մրցակիցներին:
Գոռ Երիցյանը պրոֆեսիոնալ ռինգում հերթական մենամարտը կանցկացնի
