Դորտմունդի «Բորուսիան» պաշտոնապես հայտարարել է գերմանացի պաշտպան Մատս Հումելսի հեռանալու մասին։
35-ամյա ֆուտբոլիստի պայմանագիրի ժամկետը լրանում է այս տարվա հունիսի 30-ին։
Հունիսի 13-ին «Բորուսիայից» հեռացել էր նաև գլխավոր մարզիչ Էդին Թերզիչը։ Ավելի վաղ լուրեր էին շրջանառվում, որ Հումելսը և Թերզիչն ունեն լարված հարաբերություններ։
Գերմանացի պաշտպանը Մյունխենի «Բավարիայի» սան է։ 2008-ին նա վարձավճարով տեղափոխվել էր «Բորուսիա», իսկ 1,5 տարի անց դորտմունդցիները գնել տրանսֆերային իրավունքը։ 2016-ին Հումելսը վերադարձել էր «Բավարիա», իսկ 3 տարի անց դարձյալ միացել էր «Բորուսիային»։
2023/24 մրցաշրջանում գերմանացին 40 խաղում խփել է 4 գոլ, կատարել 1 արդյունավետ փոխանցում։ «Բորուսիայի» կազմում նա մասնակցել է 508 հանդիպման, դարձել 38 գոլի ու 23 ասիստի հեղինակ։
Thank you, Mats 💛 pic.twitter.com/LyqOYQtHNH
— Borussia Dortmund (@BlackYellow) June 14, 2024
