Logo

Մարտինեսն ու Էրիկսենն ընտրել են խաղային համարները «Մանչեսթեր Յունայթեդում»

Հեղինակ
Նարեկ Առուշանյան
16:02 / 28.07.2022• ՍՊՈՐՏ
null

Արգենտինացի կենտրոնական պաշտպան Լիսանդրո Մարտինեսն ու դանիացի կիսապաշտպան Քրիստիան Էրիկսենն ընտրել են խաղային համարներն անգլիական «Մանչեսթեր Յունայթեդում»: Ակումբի մամուլի ծառայությունը հաղորդում է, որ Մարտինեսը կխաղա 6 համարի մարզաշապիկով, իսկ Էրիկսենը՝ 14:

Մինչև այս «Կարմիր սատանաների» կազմում 6 համարի մարզաշապիկով ելույթ էր ունենում ֆրանսիացի կիսապաշտպան Պոլ Պոգբան, որն ազատ գործակալի կարգավիճակում հեռացել էր անգլիական թիմից և վերադարձել Թուրինի «Յուվենտուս»:

Էրիկսենի խաղային համարով մինչև այս խաղում էր անգլիացի կիսապաշտպան Ջեսի Լինգարդը, որը նույնպես ազատ գործակալի կարգավիճակում հեռացել էր «Մանչեսթեր Յունայթեդից»՝ համալրելով ԱՊԼ վերադարձած «Նոթինգեմ Ֆորեստի» կազմը:

Հիշեցնենք, որ Լիսանդրո Մարտինեսի տեղափոխության համար «Մանչեսթեր Յունայթեդն» Ամստերդամի «Այաքսին» վճարել էր 57,37 միլիոն եվրո, իսկ Քրիստիան Էրիկսենն ազատ գործակալի կարգավիճակում էր միացել «Կարմիր սատանաներին»:

 

Մեզ կարող եք հետևել նաև Telegram-ում
fastnews-ads-banner

Հարցում

TV Ալիք

    Աղյուսակներ