Իսպանական «Վիլյառեալը» նոր գլխավոր մարզիչ է նշանակել Մարսելինո Գարսիա Տորալին, հայտնում է ակումբի մամուլի ծառայությունը:
58-ամյա մասնագետը պայմանագիր է կնքել մինչև 2026 թվականը և երեքշաբթի կանցնի աշխատանքի:
Հիշեցնենք, որ Մարսելինոն «Վիլյառեալում» աշխատել է 2013-16 թվականներին: Դրանից հետո գլխավորել է «Վալենսիան», «Աթլետիկը» և «Մարսելը», որտեղից հեռացել էր սեպտեմբերին:
Լա լիգայի 13 տուրից հետո «Վիլյառեալը» վաստակել է 12 միավոր և 14-րդ տեղում է: Հաջորդ տուրում թիմը կմրցի «Օսասունայի» հետ:
