Մադրիդի «Աթլետիկոյի» բրազիլացի պաշտպան Ռենան Լոդին տեղափոխվել է ֆրանսիական «Մարսել», հայտնում է ակումբի մամուլի ծառայությունը:

Ոչ պաշտոնական տվյալներով, որ 25-ամյա ֆուտբոլիստի տրանսֆերի արժեքը կկազմի 13 միլիոն եվրո: Լոդին 5 տարվա պայմանագիր է կնքել «Մարսելի» հետ:

Բրազիլացի ֆուտբոլիստը 2022/23 մրցաշրջանը վարձավճարով անցկացրել էր անգլիական «Նոթինգեմ Ֆորեսթում» և 28 խաղում կատարել էր մեկ գոլային փոխանցում: