«Մարսելի» նախագահ Պաբլո Լոնգորիան խոսել է ՊՍԺ արգենտինացի հարձակվող Լիոնել Մեսիի և ֆրանսիացի հարձակվող Կիլիան Մբապեի՝ առաջնության վրա թողած ազդեցության մասին:
«Նման ֆուտբոլիստների առկայությունը գրավում է: Կա հավաքական հետաքրքրվածություն: Դա առաջնությանը թույլ տվեց CVC-ի պես գործընկեր գտնել:
Ֆրանսիական ֆուտբոլը ծաղկում է ապրում: Իսպանիայում թերագնահատում են Լիգա 1-ը, սակայն մեր առաջնությունը շատ մրցունակ է»,- նախագահի խոսքը մեջբերում է Le Parisien-ը:
Ֆրանսիայի ընթացիկ առաջնության 13 տուրերից հետո ՊՍԺ-ն 35 միավորով գլխավորում է մրցաշարային աղյուսակը: «Մարսելը» 24 միավորով 5-րդն է:
