Աշխարհի ու Եվրոպայի չեմպիոն, Տոկիոյի Օլիմպիական խաղերի բրոնզե մեդալակիր Արթուր Դավթյանը սպորտային մարմնամարզության Հայաստանի առաջնությունում նվաճել է բազմամարտի ոսկե մեդալը:

Արթուր Դավթյանը վաստակել է 81,133 միավոր։ Երկրորդ տեղը գրավել է Համլետ Մանուկյանը, իսկ բրոնզե մեդալակիր է դարձել Գագաիկ Խաչիկյանը:

Բազմամարտի կանանց պայքարում 50 միավորով Հայաստանի չեմպիոնի տիտղոսը նվաճել է Աստղիկ Կասպարովան:

Ֆոտո՝ Հայաստանի մարմնամարզության ֆեդերացիայի մամուլի ծառայություն