Սպորտային մարմնամարզության Հայաստանի երիտասարդական հավաքականի առաջատարներ Համլետ Մանուկյանն ու Մամիկոն Խաչատրյանն Իտալիայի Ռիմինի քաղաքում ընթացող Եվրոպայի առաջնության նժույգ թափերի վարժությունում դուրս եկան եզրափակիչ:
Երիտասարդների պայքարում Մանուկյանը 14,433 միավորով գրավեց առաջին տեղը, իսկ Խաչատրյանը 14,233 միավորով երկրորդն է:
Հիշեցնենք, որ ապրիլի 24-ին մեծահասակների պայքարում առանձին վարժությունների եզրափակիչ էին դուրս եկել Օլիմպիական խաղերի բրոնզե մեդալակիր Արթուր Դավթյանը (հենացատկ), Արթուր Ավետիսյանը (օղակներ) և Գագիկ Խաչիկյանը (նժույգ թափեր):
