ՊՍԺ-ի ավագ Մարկինյոսը պատմական նվաճման է հասել, հայտնում է Ֆրանսիայի Լիգա 1-ի մամուլի ծառայությունը։

Բրազիլացի պաշտպանը Ֆրանսիայի առաջնության պատմության մեջ միակ ֆուտբոլիստն է, որ 10-րդ անգամ դառնում է երկրի չեմպիոն։

Հիշեցնենք, որ «Պարի Սեն-Ժերմենը» «Անժեի» դեմ Լիգա 1-ի 28-րդ տուրի խաղում հաղթել է 1-0 հաշվով ու չորրորդ անգամ անընդմեջ և պատմության մեջ 13-րդ անգամ նվաճել Լիգա 1-ի չեմպիոնական տիտղոսը։