«Բարսելոնայի» ու Գերմանիայի ազգային հավաքականի դարպասապահ Մարկ Անդրե Տեր Շտեգենը վնասվածք է ստացել։
Գերմանացին բունդեսթիմի ճամբարում մեջքի սուր ցավեր է ունեցել։ Գերմանիայի հավաքականի գլխավոր մարզիչ Յուլիան Նագելսմանը հաստատել է տեղեկությունը․
«Մարկ Անդրե Տեր Շտեգենը բաց կթողնի երկու հանդիպումներն էլ։ Նա մեջքի սուր ցավեր է ունեցել։ Վաղը նա կվերադառնա Բարսելոնա։
Հույս ունեմ, որ վնասվածքը լուրջ չէ, ու Տեր Շտեգենը շուտով նորից դաշտ դուրս կգա իր թիմակիցների հետ»,-Նագելսմանի խոսքը մեջբերում է Ֆաբրիցիո Ռոմանոն։
Գերմանիայի հավակաքանը տնային ԵՎՐՈ-ի նախապատրաստական շրջանում երկու ընկերական հանդիպում է անցկացնելու։ Նոյեմբերի 18-ին նրանք կմրցեն Թուրքիայի, իսկ 21-ին՝ Ավստրիայի հավաքականների դեմ։
