«Ռեդ Բուլի» ավտոարշավորդ Մաքս Ֆերստապենը վաղաժամ ապահովեց 2023 մրցաշրջանի չեմպիոնական տիտղոսը, երբ իր թիմակից Սերխիո Պերեսը վթարի պատճառով չկարողացավ շարունակել ելույթը Կատարի Գրան պրիի սպրինտի ժամանակ:
11-րդ շրջանում Պերեսը, որը պահպանում էր նիդերլանդցուն հասնելու տեսական հնարավորությունը, բախվեց «Ալպինի» ավտոարշավորդ Էստեբան Օկոնին:
Ֆերստապենը չեմպիոնական տիտղոսը նվաճեց մարզական կարիերայում երրորդ անգամ: Նախկինում նա Ֆորմուլա 1-ի հաղթող էր դարձել 2021 և 2022 թվականներին:
Կատարի Գրան պրիի սպրինտի հաղթող դարձավ «Մաքլարենի» ներկայացուցիչ Օսկար Պիաստրին: Մաքս Ֆերստապենը զբաղեցրեց երկրորդ տեղը, Լանդո Նորիսը երրորդն էր:
