«Ռեդ Բուլի» ավտոարշավորդ Մաքս Ֆերստապենը դարձավ Ֆորմուլա-1-ի Բրազիլիայի Գրան պրիի հաղթող: Նիդերլանդցին ավարտին մոտեցող մրցաշրջանում տարավ 17-րդ հաղթանակը՝ մեկ մրցաշրջանում տարած հաղթանակների քանակով գերազանցելով ինքն իր ռեկորդը:
Դրանից բացի, Մաքսը Ֆորմուլա-1-ի Գրան պրիներում հաղթանակների քանակը հասցրեց 52-ի և այդ ցուցանիշով շրջանցեց հայկական ծագմամբ ֆրանսիացի ավտոարշավորդ Ալեն Պրոստին, որը 51 հաղթանակ էր տարել:
Սան Պաուլոյի Գրան պրիում երկրորդը «Մաքլարենի» ներկայացուցիչ Լանդո Նորիսն էր, երրորդը «Ասթոն Մարտինի» իսպանացի ավտոարշավորդ Ֆեռնանդո Ալոնսոն:
Լավագույն հնգյակն ամբողջացրին համապատասխանաբար Սերխիո Պերեսն ու Լենս Սթրոլը:
Առջևում Լաս Վեգասի Գրան պրին է, իսկ մրցաշրջանը կավարտվի Աբու Դաբիի մրցավազքով:
