Ֆորմուլա 1-ի եռակի չեմպիոն, 26-ամյա Մաքս Ֆերստապենը զավեշտալի իրավիճակում է հայտնվել. ավտոմեքենաների վարձակալության պորտուգալական Six ընկերությունը «Ռեդ Բուլի» ավտոարշավորդին չի տրամադրել Mercedes AMG GT ավտոմեքենան, հաղորդում է Fórmula Directa-ն:
Նրանց կանոնների համաձայն՝ այդպիսի հզոր ավտոմեքենա կարելի է վարձակալել միայն այն դեպքում, եթե վարձակալողի տարիքը 30-ն անց է: Ենթադրվում է, որ այդ դեպքում վարորդը համապատասխան փորձ կունենա՝ ուժն ու արագությունը կառավարելու համար:
Մերժման որոշումից կարճ ժամանակ անց ընկերությունից կապ են հաստատել Ֆերստապենի հետ, ներողություն են խնդրել նիդերլանդցուց՝ ասելով, որ կտրամադրեն նրան ցանկացած ավտոմեքենա:
Հիշեցնենք, որ 2023թ. Մաքս Ֆերստապենը Ֆորմուլա 1-ի հաղթող դարձավ երրորդ մրցաշրջանն անընդմեջ, ինչպես նաև ռեկորդ սահմանեց մեկ մրցաշրջանում տարած Գրան պրիների քանակով:
