«Մաքլարենը» տպավորիչ ռեկորդ է սահմանել Ֆորմուլա-1-ի Կատարի Գրան պրիում՝ գրանցելով գլխավոր ավտոմրցման պատմության մեջ ամենաարագ պիտ-ստոպը, հաղորդում է DHL Motorsports-ը։

Բրիտանացի ավտոարշավորդ Լանդո Նորիսի բոլիդը մեխանիկները սպասարկել են 1,8 վայրկյանում։

«Մաքլարենը» գերազանցել է «Ռեդ Բուլի» ռեկորդը։ 2019-ին ավստրիական թիմի մեխանիկները 1,82 վայրկյանում էին սպասարկել նիդերլանդցի Մաքս Ֆերստապենի բոլիդը։

Հիշեցնենք, որ Կատարի Գրան պրիում հաղթել էր Մաքս Ֆերստապենը, որը վաղաժամ ապահովել է Ֆորմուլա-1-ի չեմպիոնի տիտղոսը։ Լավագույն եռյակի մյուս երկու տեղերը զբաղեցրել էին «Մաքլարենի» ներկայացուցիչներ Օսկար Պիաստրին ու Լանդո Նորիսը։

🚨RECORDE DE PIT STOP: McLaren leva apenas 1,8s para trocar os quatro pneus do carro de Lando Norris na melhor marca do ano e, possivelmente, da história da F1.

Oferecimento: @ipiranga #F1naBand pic.twitter.com/E1aePFSBbR

— Esporte Na Band (@esportenaband) October 8, 2023