UFC-ի երկու քաշային կարգերում նախկին չեմպիոն, սեռական ոտնձգություն կատարելու մեջ մեղադրվող Քոնոր Մաքգրեգորը շնորհակալություն է հայտնել երկրպագուներին աջակցության համար:
«Շատ շնորհակալություն աջակցության և լավ խոսքերի համար: Դրանք կարևոր են ինձ համար: Իմ առաջիկա ծրագրերում մենամարտելն է: Սպասում եմ հաջորդ մենամարտիս»,- իռլանդացու խոսքը մեջբերում է TMZ-ն:
Հիշեցնենք, որ Մայամի Հիթ» - «Դենվեր Նագեթս» Բասկետբոլի ազգային ասոցիացիայի (NBA) եզրափակիչ սերիայի չորրորդ խաղից հետո ոստիկանություն էր դիմել մի աղջիկ, որը մարտիկին մեղադրել էր իր նկատմամբ սեռական ոտնձգություն կատարելու մեջ ու պատմել դեպքի մանրամասները:
Այդ նույն խաղի ընդմիջմանը Քոնոր Մաքգրեգորը նոկաուտի էր ենթարկել տանտերերի մասկոտին:
