NHL-ի հերթական խաղային օրը փայլուն անցումով և նետումով է աչքի ընկել լիգայի լավագույն հոկեյիստներից Քոնոր Մաքդևիդը:
Արևմտյան կոնֆերենցիայի հերթական խաղում «Էդմոնտոնը» 2-4 հաշվով հետապնդողի դերում լինելուց հետո՝ օվերթայմում, Ջեք Ռոսլովիկի նետած տափօղակի շնորհիվ 5-4 հաշվով հաղթանակ է տարել «Կոլամբուսի» դեմ պայքարում: Երկրորդ խաղափուլի առաջին րոպեին գեղեցիկ անցումով և նետումով հաշիվը կրճատել է 28-ամյա կանադացին, որը հետագայում դուբլ է գրանցել:
Հոկեյի Ազգային լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
