Անգլիական «Մանչեսթեր Յունայթեդը» լրջորեն հետաքրքրված է Մյունխենի «Բավարիայի» կամերունցի հարձակվող Էրիկ Չուպո-Մոտինգի ծառայություններով, հայտնում է Mediafoot-ը:
Մանչեսթերյան ակումբի հոլանդացի գլխավոր մարզիչ Էրիկ տեն Հագը վստահ է, որ 33-ամյա ֆուտբոլիստը կարող է փոխարինել պորտուգալացի հարձակվող Կրիշտիանու Ռոնալդուին, եթե վերջինս որոշի հեռանալ ձմռանը:
Չուպո-Մոտինգի գործող պայմանագրի ժամկետն ավարտվում է 2023 թվականի հունիսին:
Ընթացիկ մրցաշրջանում Կամերունի ազգային հավաքականի հարձակվողը մյունխենյան ակումբի կազմում անցկացրած 13 խաղում խփել է 8 գոլ ու կատարել 3 ասիստ:
