Բրազիլացի կիսապաշտպան Կառլոս Կազեմիրոն ճանաչվել է «Մանչեսթեր Յունայթեդի»՝ հոկտեմբերի լավագույն ֆուտբոլիստ, հայտնում է անգլիական ակումբի մամուլի ծառայությունը:
30-ամյա ֆուտբոլիստը հաղթել է երկրպագուների քվեարկության արդյունքում և ստացել ձայների 34 տոկոսը:
Բրազիլացին շրջանցել է արգենտինացի պաշտպան Լիսանդրո Մարտինեսին (31 տոկոս), անգլիացի հարձակվող Մարկուս Ռեշֆորդին (19 տոկոս) և պորտուգալացի պաշտպան Դիոգու Դալոտին (16 տոկոս):
Կազեմիրոն հոկտեմբերին «Մանչեսթեր Յունայթեդի» կազմում մասնակցել է 9 խաղի, սակայն միայն մեկ անգամ է ընդգրկված եղել մեկնարկային կազմում:
