Անգլիայի չեմպիոն «Մանչեսթեր Սիթին» կադրային խնդիրներով է մեկնել Իսպանիայի մայրաքաղաք Մադրիդ, որտեղ կանցկացնի «Ռեալի» դեմ Չեմպիոնների լիգայի քառորդ եզրափակիչի դիմակայության առաջին հանդիպումը:
Խոսեպ Գվարդիոլայի գլխավորած թիմի հայտացուցակում չեն ընդգրկվել պաշտպաններ, հոլանդացի Նաթան Ակեն և անգլիացի Քայլ Ուոքերը: Միևնույն ժամանակ, անգլիական գրանդի կազմում Մադրիդ է մեկնել Խորվաթիայի հավաքականի պաշտպան Յոշկո Գվարդիոլը, որն ապրիլի 8-ին չի մարզվել թիմի հետ:
Հիշեցնենք, որ «Ռեալ» - «Մանչեսթեր Սիթի» խաղը տեղի կունենա ապրիլի 9-ին «Սանտիագո Բեռնաբեու» ստադիոնում, կմեկնարկի Երևանի ժամանակով 23:00-ին և կցուցադրվի Fast Sports հեռուստաալիքի ուղիղ եթերում:
