Անգլիայի Պրեմիեր լիգայի 20-րդ տուրում «Մանչեսթեր Սիթին» 2 անպատասխան գնդակ ուղարկեց «Շեֆիլդ Յունայթեդի» դարպասը:

«Ասթոն Վիլան» էլ վերջին րոպեներին 3 միավոր կորզեց «Բարնլիի» դեմ խաղում: 89-րդ րոպեին 11-մետրանոցից դիպուկ գտնվեց և բիրմինգեմցիներին հաղթանակ պարգևեց Դուգլաս Լուիզսը` 3-2:

Ունաի Էմերիի գլխավորած թիմը 42 միավորով 2-րդ տեղում է: «Մանչեսթեր Սիթին» 40 միավորով 3-րդն է: Նույնքան միավոր ունի նաև 4-րդ տեղում գտնվող «Արսենալը»: «Բարնլին» 12 միավորով 19-րդն է, «Շեֆիլդը» 9 միավորով վերջին՝ 20-րդ տեղում է:

Անգլիայի Պրեմիեր լիգա, 20-րդ տուր

«Մանչեսթեր Սիթի» – «Շեֆիլդ Յունայթեդ»՝ 2-0 (տեսանյութ)

Ռոդրի, 14, Խուլիան Ալվարես, 61

«Ասթոն Վիլա» – «Բարնլի»՝ 3-2 (տեսանյութ)

Լեոն Բեյլի, 28, Մուսա Դիաբի, 42, Դուգլաս Լուիս (11մ.), 89 - Զեկի Ամդունի, 30, Լայլ Ֆոսթեր, 71