«Մանչեսթեր Սիթին» մոտ է «Ռիվեր Փլեյթի» հարձակվող Խուլիան Ալվարեսի տրանսֆերային իրավունքները գնելուն։ Արգենտինական ակումբը 16 մլն եվրո է պահանջում՝ հաղորդում է լրագրող և ինսայդեր Ֆաբրիցիո Ռոմանոն։

Ալվարեսը «Ռիվեր Փլեյթի» սան է։ Նրա պայմանագիրն ակումբի հետ ուժի մեջ է մինչև 2022 թվականի դեկտեմբերի 31-ը։

Transfermarkt-ը 20 մլն եվրո է գնահատում ֆուտբոլիստի շուկայական արժեքը։

Արգենտինայի առաջնության նախորդ մրցաշրջանում հարձակվողը մասնակցել է 21 հանդիպման՝ դառնալով 18 գոլի ու 7 գոլային փոխանցման հեղինակ: Նա դարձել է մրցաշարի լավագույն ռմբարկուն։

Ավելի վաղ հաղորդվում էր, որ Ալվարեսի ծառայություններով հետաքրքրված է «Մանչեսթեր Յունայթեդը»։