«Մանչեսթեր Յունայթեդը» «Սանդեռլենդի» դեմ Անգլիայի Պրեմիեր լիգայի 7-րդ տուրի խաղից առաջ վերհիշել է ակումբի նախկին կիսապաշտպան Հենրիխ Մխիթարյանի հանրահայտ գոլը։
«Օլդ Թրաֆորդ» ստադիոնում կողմերի միջև կայացած վերջին խաղում (3-1, 2016թ. դեկտեմբերի 26) Հայաստանի ազգային հավաքականի բոլոր ժամանակների գլխավոր ռմբարկուն «կարիճ» հարվածով գրավել էր «Սանդեռլենդի» դարպասը։
Մխիթարյանը մանկունիական գրանդում հանդես է եկել 2016-18թթ., 63 խաղում գրանցել է 13 գոլ ու 11 ասիստ։
«Մանչեսթեր Յունայթեդ» - «Սանդեռլենդ» հանդիպումը կկայանա հոկտեմբերի 4-ին, մեկնարկը` ժամը 18:00-ին։
Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
